МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Јонкер за МИА: Набљудувачите ќе бидат рамномерно распоредени низ државата
Сите претседатели на Република Македонија
Канцеларијата на Хелсиншкиот комитет утре ќе биде отворена за граѓаните
ДИК: Гласањето на затворениците, болните и дијспората се одвива без проблеми
Македонија
Заев-Галовеј: Потврдена поддршката од Обединетото Кралство за спроведувањето на преспанскиот договор

Заев-Галовеј: Потврдена поддршката од Обединетото Кралство за спроведувањето на преспанскиот договор

понеделник, 22 октомври 2018, 15:18ч.   |   Xh.I.

Британската амбасадорка, Рејчел Галовеј, ја поздрави одлуката на македонскиот парламент во поддршка на преспанскиот договор, што е значителен чекор напред во евро-атлантските интеграции на Република Македонија.

На денешната средба со премиерот Зоран Заев било заклучено дека двотретинското мнозинство во Собранието за предлогот на пристапување кон уставните промени покажало дека е можно пратениците од власта и од опозицијата да работат заедно кога станува збор за клучните прашања за граѓаните и за државата, како што се интеграциите и реформите. Двајцата изразиле поддршка за зајакнување на консензусот во парламентот за прашања од државен интерес.

„Ќе продолжиме во позитивна атмосфера, низ конструктивност и инклузивност, со пратениците во парламентот, да работиме на нацрт-уставните амандмани. Забелешките на пратениците од опозицијата што дадоа поддршка на евро-атлантскиот интеграциски процес на Македонија во врска со содржината на амандманите се во духот на договорот од Преспа. Исто така, постои свест за значењето на помирувањето, кое е неопходно, за да продолжат уште поактивно реформските процеси важни за евро-атлантските интеграции, но и за економскиот развој на државата“, рече премиерот Заев.

Претседателот на Владата во врска со реформите соопшти дека фокусот е на втората фаза од судските реформи, на антикорупциските закони, на реформите на УБК, на јавната администрација.

Амбасадорката Рејчел Галовеј соопшти дека Обединетото Кралство активно ја следи политичката ситуација во Македонија и дека дава принципиелна поддршка на помирувањето, кое е важно за интеграциите на Македонија, а со тоа и за стабилноста на целиот регион.

© ЖУРНАЛ    ~69,23

НАЈЧИТАНИ ОД МАКЕДОНИЈА
Михаил Трендафилов-Нанче: Преродбата почнува од Охрид, тоа не е случајно. Ќе работиме домаќински и чесно за да изгрее новото сонце на слободата!
Вајгл: Има една незгодна работа за Македонија, а тоа е дека за неа се зборува во пакет со Албанија
Галетановски: Не сум ја навредувал Сиљановска лично, не е моја вина што секој ден има нов гаф
Мајката и двете ќерки целосно изгореле, телото на таткото било изгорено до половина
Ќе се менуваат законите за вработените во јавниот сектор и административните службеници
Јахја Кемал: Секоја година пред уписите се шират невистини за нас
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.