Журнал - Новинска агенција

Zurnal.mk

Опозицијата го блокираше Собранието на Република Српска

Споменикот на Ќосето отстранет од пред Врховен суд
Почина ексминистерот за животна средина Абдилаќим Адеми
ЕВН ги санираше дефектите на среднонапонско ниво
Судскиот совет ќе расправа дали да поведе постапка за разрешување судија

Регион

Опозицијата го блокираше Собранието на Република Српска
opoz_1.jpg

Опозициските пратеници во Собранието на Република Српска синоќа ја блокираа работата на ова законодавно тело, откако застанаа околу местата на кои седи парламентарното претседателство, по што собраниската седница беше прекината.

Претставници на владејачките партии и на опозицијата до доцна синоќа не успеаја да постигнат договор за надминување на блокадата, по што потпретседателот на Собранието, Ненад Стевандиќ најави дека претпладнево ќе се одржи нова средба на шефовите на пратеничките групи.

Опозицијата најави дека нема да отстапи од „физичка блокада на работата на Собранието“, се додека парламентарното мнозинство „не престане со теророт“ и непочитување на собранискиот Деловник, Уставот и законите.

– Повеќе не е можен нормален колосек. бидејќи ова парламентарно мнозинство не размислува со своја глава, туку со главата на еден човек, изјави пратеникот на опозициската Српска демократска партија (СДС), Вукота Говедарица.

Пратеникот од опозициската Партија за демократски прогрес (ПДП), Бранислав Бореновиќ, пак оцени дека е бесмислено опозицијата да учествува во работата на Собранието кого не се почитува парламентарната демократија во согласност со Уставот и законите.

Причина за одлуката на опозицијата за блокада на Собранието беше решението на парламентарното мнозинство за повлекување од дневен ред на Извештајот за работата на Главната ревизорска служба, во кој се посочува дека е утврден буџетски дефицит поголем за 65 милиони евра од оној што го покажуваат официјалните податоци на Владата на Република Српска.

 13.09.2017, 11:55  | L.E. | 50

 

© ZURNAL.mk

 Регион 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

30522
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.