Журнал - Новинска агенција

Zurnal.mk

Трамп: Новите санкции кон Северна Кореја не се ништо во споредба со она што ќе се случи 13.09.2017 07:50:49

СЈО ќе ја „трезни“ Општината од „Пивофест“
Жрепка за редоследот на листите за локалните избори
Анкета ИРИ: Расте оптимизмот за членството на Македонија во ЕУ

Свет

Трамп: Новите санкции кон Северна Кореја не се ништо во споредба со она што ќе се случи 13.09.2017 07:50:49
trump_12.jpg

Вашингтон, 13 септември- Американскиот претседател Доналд Трамп изјави дека новите санкции што ОН и ги воведоа кон Северна Кореја неделава, се само мал чекор и „не се ништо во споредба со она што ќе се случи“.

- Ние сметаме дека санкциите се само уште еден многу мал чекор и не се кој знае што, нагласи Трамп пред средбата со малезиски премиер Наџиб Разак.
- Не знам дали има последици од нив, но беше убаво да се соберат 15 гласови „за“ со ниту еден „против“. Тие санкции се ништо во споредба со она што ќе се случи, истакна американскиот претседател.

Во меѓу време, високата претставничка на ЕУ за надворешна политика и безбедност Федерка Могерини сооопшти дека Европската унија ќе ги спроведе новите санкции кои и се воведени кон Северна Кореја од страна на ОН, поради нејзиното шесто нуклеарно тестирање и дека планира нови казнени мерки.

- Сега ќе ги спроведеме санкциите на ОН, како што правевме и досега. Нашата цел за Корејски Полуостров без нуклеарно оружје, може да биде постигната само со дипломатски и политички средства. Нема воено решение за таа криза, потенцираше Могерини.

Северна Кореја веќе најави дека ќе го забрза развојот на нејзините нуклеарни и ракетни програма, како одговор на „злонамерните санкции“ што ги воведе Советот за безбедност на ОН.

 13.09.2017, 11:47  | L.E. | 61

 

© ZURNAL.mk

 Свет 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

28195
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.