Журнал - Новинска агенција

Zurnal.mk

LG потврди – знаменосецот V30 ќе има OLED дисплеј, идеален за VR

Премиерите од Западен Балкан на маса со Могерини
Маглата го паразлизира авионскиот сообраќај
УНДП: Затоплувањето на домаќинствата, индустриските капацитети и сообраќајот најголем..
Кој е докторот со највисока бруто плата 2,7 милиони евра?

Технологија

LG потврди – знаменосецот V30 ќе има OLED дисплеј, идеален за VR
lgg.jpg

Вториот по големина корејски производител секоја година неуспешно се обидува да му нанесе удар на својот главен конкурент Samsung, но со смартфони како G6 тие тоа дефинитивно нема да можат да го направат. Затоа, последниве три години тие лансираа нова “V” серија на смартфони, која има повеќе можности од “G” серијата и која е избор на многу ентузијасти.

Новиот V30 модел ќе биде прилично голем напредок во однос на двата претходници. Прво, тој веќе нема да има втор мал дисплеј во горниот дел, што и не е недостаток и многу поважно, екранот ќе биде OLED со многу мала рамка, големина од 6 инчи, 18:9 сооднос и висока резолуција од 2880×1440 пиксели, кој според LG ќе биде идеален за VR апликации. Дизајнот на телефонот ќе биде сличен на G6, но со поголема заобленост на самата рамка на смартфонот.

 

Спецификациите очекувајте да се најдобри можни во моментов – Snapdragon 835 и 6 GB рам, но главен адут на V30 повторно ќе идат камерата и аудио можностите. Камерата на пример ќе има професионални можности за снимање видео со супер квалитетни микрофони за аудио запис, додека на 3,5 mm излезот за слушалки ќе биде „прикачен“ супер квалитетен засилувач, кој ќе овозможи Hi-Fi аудио искуство дури и со поскапи, поквалитетни слушалки.

За другите можности на V30 се чини сепак ќе треба да почекаме до IFA саемот во Берлин, кој ќе се одржи во првата половина од септември и каде ќе биде претставен новиот LG V30.

 04.08.2017, 14:03  | L.E. | 84

 

© ZURNAL.mk

 Технологија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

27818
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.