Журнал - Новинска агенција

Zurnal.mk

Овошје кое не дозволува да остарите

Шилегов: ВМРО-ДПМНЕ преку обидот за блокада на Собранието го штити Зврлевски
Локални избори, повик за подобрување на изборниот процес
Многу брзи кредити, но кој е најдобриот? Еве сајт кој го има решението!

Здравје

Овошје кое не дозволува да остарите
ovoshjee.jpg

Праските се исклучително вкусни, освежувачки и тие го ладат организмот во летните горештини, а притоа се и многу здрави. Тие содржат дури девет витамини.

Пред се се богати со витамините А и Ц, но и витамините Е и К во малку помали количини. Праската, исто така, е одличен извор на витамините од групата Б, тиамин, рибофлавин, витамин Б6, нијацин, фолна и пантотенска киселина. Високата содржина на витамин Ц го зајакнува нашиот одбрамбен систем, а кај пушачите ги ублажува последиците од пушење. Витаминот Ц во праските во комбинација со минералите и ензимите го зголемува бројот на машки сперматозоиди и ги прави повеќе активни, па затоа мажите со редовна конзумација стануваат поплодни.

Праските се многу значаен извор на калиум, така што околу 5 праски можат да ја задоволат потребата на телото за овој минерал. Тие содржат и одредена количина на магнезиум, фосфор, цинк, бакар, манган, железо и калциум.

Поради богатството од витамини, минерали и растителни влакна, а минималната калориска вредност, праската е редовна намирница во диетите за слабеење. Благодарение на растителните влакна ја помага работата на цревата и го елиминира вишокот на течности.

Како одличен извор на еден посебен антиоксиданс, хлорогенската киселина, како и лутеинот, зеаксантинот и криптоксантинот, праските помагаат да се намалат ефектите кои доведувaат до предвремено стареење и хронични оболувања. Овиe антиоксиданси, исто така, ги ублажуваат воспалителните процеси и имаат превентивно дејство против развојот на малигни промени во клетките. Каротенот и нуклеинската киселина во праските влијаат на тоа кожата да остане нежна и млада.

Ова овошје е многу добро и во борбата против стресот. Поради високата содржина на магнезиум, витамин Б3, селен и цинк, конзумацијата на праски за кратко време може да го отстрани лошото расположение. Праските го зајакнуваат и срцето и крвотокот, а го намалуваат и високиот крвен притисок. Затоа искористете го максимално ова овошје и подобрете го вашето здравје.

 04.08.2017, 14:21  | L.E. | 127

 

© ZURNAL.mk

 Здравје 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

10970
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.