Журнал - Новинска агенција

Zurnal.mk

ДИК од општините побара услови за изборните комисии, 14 септември краен рок за листи на кандидати

Да создадеме култура на носење на очила
СЈО ќе ја „трезни“ Општината од „Пивофест“
Жрепка за редоследот на листите за локалните избори

Македонија

ДИК од општините побара услови за изборните комисии, 14 септември краен рок за листи на кандидати
dik_9.jpg

Скопје, 11 август- Државната изборна комисија се обратила до сите општини да обезбедат соодветни просторни и технички услови за работа на општинските изборни комисии заради непречено организирање и спроведување на Локалните избори на 15 октомври 2017 година.

ДИК ги известила сите општини и градот Скопје дека се должни најдоцна до 11 август 2017 година јавно да ги објават локациите и цените за закуп на рекламните паноа и билборди, а дека најдоцна до 25 август 2017 општините и градот Скопје се должни да ги објават условите за добивање право за користење на местата за истакнување изборни плакати.

– Исто така, Државната изборна комисија ги извести општините и градот Скопје дека средствата за спроведување на локалните избори се обезбедуваат од буџетот на општината и градот Скопје и со нив располага општинската изборна комисија, односно Изборната комисија на градот Скопје, освен средствата за изборниот материјал кои се обезбедуваат од Буџетот на Република Македонија и со нив располага Државната изборна комисија, соопшти ДИК.

Потсетува дека денеска (11 август 2017) е крајниот рок до кога печатените медиуми и електронските медиуми (интернет-порталите) се должни ценовниците да ги достават до ДИК, Државниот завод за ревизија и Државната комисија за спречување на корупцијата, а радиодифузерите да ги достават и до Агенцијата за аудио и аудиовизуелни медиумски услуги (АВМУ).

ДИК во известувањето нагласува и дека согласно со Роковникот за извршување изборни дејствија, 14 септември 2017 година е крајниот рок за поднесување листи на кандидати за Локалните избори 2017, а не 9 септември како што објавиле дел од медиумите.

 11.08.2017, 16:06  | L.E. | 42

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

6334
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.