Журнал - Новинска агенција

Zurnal.mk

СДСМ: Владата на ДПМНЕ се задолжуваше за сопствено богатење, со ребалансот на Буџетот ќе ги поправаме овие штети

Да создадеме култура на носење на очила
СЈО ќе ја „трезни“ Општината од „Пивофест“
Жрепка за редоследот на листите за локалните избори

Македонија

СДСМ: Владата на ДПМНЕ се задолжуваше за сопствено богатење, со ребалансот на Буџетот ќе ги поправаме овие штети
sdsm_26.jpg

 „Поголемо и поштетно задолжување од она што ВМРО-ДПМНЕ им го направи на граѓаните на Македонија за време на 11-Вгодишното криминално владеење немало досега“, реагираат од СДСМ.

 
Реакцијата на СДСМ доаѓа по изјавата на опозициската ВМРО-ДПМНЕ, дека со ребалансот на Буџетот дополнително ќе се зголеми долгот на државата и дека по повеќето напади кон претходната влада за прекумерно задолжување, СДСМ го прави истото.
 
„ВМРО-ДПМНЕ се задолжуваше расипнички, тајно и нетранспарентно, а парите од скапите задолжувања ги трошеше непродуктивно и за луксузирање и криминално богатење на поединци. Таквиот расипнички однос на ВМРО-ДПМНЕ кон парите на граѓаните резултираше со јавен долг од над 50 отсто од БДП, со околу 500. 000 осиромашени граѓани и над 180.000 граѓани кои живееа со само 40 денари дневно“, стои во реакцијата од СДСМ.
 
Според оваа партија, ребалансот на Буџетот е првиот чекор кон поправање на економските штети предизвикани од криминалното владеење на ВМРО-ДПМНЕ и враќање на парите назад кај граѓаните.
 
„Преку ребалансот се решаваат долгогодишни проблеми на граѓаните, се намалуваат животните трошоци и се создаваат услови за придвижување на економијата и за севкупен економски раст“, стои во реакцијата од владеечката партија.
 17.07.2017, 16:43  | Z.H. | 21

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

890
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.