Журнал - Новинска агенција

Zurnal.mk

Џафери: Се наоѓаме пред историска одговорност, интеграцијата во НАТО и ЕУ

Кривичен суд: Вложуваме напори да донесеме одлуки за притворите во законски рок
Османи ќе бара поддршка од Шпанија и од Полска за обезбедување конкретни чекори од ст..
Владата донесе препораки за заштита: Високи температури до 42 степени

Македонија

Џафери: Се наоѓаме пред историска одговорност, интеграцијата во НАТО и ЕУ
timthumb_24.jpg
Сите пораки кои доаѓаат од НАТО покажуваат дека е потребна нова политика. Се наоѓаме пред историска одговорност за остварувањето на нашата определба, а тоа е интеграцијата во НАТО и ЕУ, порача претседателот на Собранието, Талат Џафери, пред Комисијата за европски прашања.
 
„Евроатланските интеграции се определба на Македонија кои имаат целосен консензус од сите партии и поддршка од граѓаните која е на високо ниво, а тоа нас нè прави уште поодговорни. Нас кои ја водиме државата. Сите пораки кои доаѓаат од НАТО, покажуваат дека треба нова политика. Се наоѓаме пред историска одговорност, за остварувањето на нашата определба, а тоа е интеграцијата во НАТО и ЕУ“, рече Џафери.
 
Тој рече дека Македонија поминала две години во криза поради, како што рече, непрактикувањето на практиките на ЕУ.
 
„Во планот 3-6-9 кој произлегува од Договорот од Пржино има конкретен дел и мерки за работата на Собранието, на УБК, на собраниските комисии. Она што е значајно е дека реформите во безбедносните сили, треба да се одвива преку Собранието со вклучување на експертската јавност и целата фела“, рече Џафери.
 
Во обраќањето истакна дека „верува во искрената определба на Владата овие реформи да бидат направени во корист на граѓаните“.
 
„Во парламентарната демократија свој удел има опозицијата, а јас ќе направам сè за таа да може да ги каже нивните идеи иако ова што го гледаме последниве денови е контра функционирањето на Собранието“, истакна Џафери.
 14.07.2017, 16:28  | Z.H. | 33

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

20075
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.