Журнал - Новинска агенција

Zurnal.mk

Шекеринска: Очекуваме поддршка за членство во НАТО

Да создадеме култура на носење на очила
СЈО ќе ја „трезни“ Општината од „Пивофест“
Жрепка за редоследот на листите за локалните избори

Македонија

Шекеринска: Очекуваме поддршка за членство во НАТО
sekerinska-1-768x426.jpg

Министерката за одбрана на Република Македонија Радмила Шекеринска вечер во Брисел, во седиштето на НАТО-Алијансата, ќе присуствува на состанокот на Северноатлантскиот совет, посветен на мисијата „Одлучна поддршка“.

Во текот на денешниот ден, како што соопшти Министерството за одбрана, Шекеринска ќе оствари поголем број билатерални средби со министри за одбрана на земјите-членки на Алијансата и земјите партнери.

Во пресрет на вечерашниот состанок, министерката Шекеринска посочи дека целта на посетата е Македонија да ја изрази својата поддршка кон мисијата „Одлучна поддршка“, но воедно да се истакне очекувањето дека земјата може да смета на идно членство во НАТО.

– Бевме партнер во тешки моменти на НАТО алијансата, очекуваме дека таа поддршка ќе се врати и со поддршка на Македонија за полноправно членство во НАТО, истакна Шекеринска.

Во однос на домашните реформи, министерката потенцира дека Македонија ќе биде исклучително посветена на реформските процеси во областите во кои е посочено назадување.

– Нашите планови се многу јасни – Македонија ќе направи сè во поглед на внатрешните реформи, во поглед на враќањето на владеењето на правото, слободата на медиумите, контролата над извршната власт, за да ги исполни политичките критериуми кои долго време се сметаа за исполнети. Македонија придонесува за безбедноста на Авганистан, Босна и Херцеговина и Либан и сметаме дека е момент НАТО да придонесе повеќе за безбедноста на Македонија и целиот наш регион“, заклучи министерката, нагласува Шекеринска.

Претходно денеска Шекеринска се сретна со министрите за одбрана на Хрватска, Дамир Крстиќевиќ, и на Црна Гора, Предраг Бошковиќ, како и со директорот за одбранбено планирање во НАТО, Пол Северо, соопшти Министерството за одбрана.

 29.06.2017, 15:04  | Z.H. | 120

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

1023
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.