Журнал - Новинска агенција

Zurnal.mk

Еден тешко повреден вчера во сообраќајка во Скопје

Џафери се сретна со кинеската амбасадорка Лишиан
Средба на Заев со претставничката на УНДП за Македонија Луиза Винтон
Села в понеделник се враќа на политичката сцена

Црна хроника

Еден тешко повреден вчера во сообраќајка во Скопје
132357105_2.jpg

Пешак се здобил со тешки телесни повреди во една од вкупно 11 сообраќајни незгоди што се случиле во текот на вчерашниот ден на подрачјето на СВР Скопје. Во три незгоди со полесни телесни повреди се здобиле четири лица, а во седум е причинета материјална штета.

Како што информираат од МВР вчера полицијата презела казнени мерки поради поголем број прекршоци. Петнаесет возачи  се движеле со брзина поголема од дозволената, двајца возачи го управувале возилото под дејство на алкохол и се исклучени од сообраќај, двајца возачи поминале на црвено светло на семафор и седум возачи го управувале возилото без возачка дозвола, односно нерегистрирано. Санкционирани се и 11 возачи на велосипед со мотор, мопед и мотоцикл кои за време на возењето на пат не го носеле заштитниот шлем на глава. Затекнати се и 15 непрописно паркирани возила.

Со помош на специјалното возило „пајак“, отстранети биле 24 возила.

Во рамките на сообраќајно воспитната акција „Да ги заштитиме децата во сообраќајот“, Одделението за превенција ќе реализира едукативни работилници со учениците од второ и четврто одделение во ООУ „Кузман Шапкарев“ кое се наоѓа на подрачјето на општина Кисела вода.

Во сабота Одделението за превенција при СВР Скопје во соработка со Републичкиот совет за безбедност на сообраќајот на патиштата и Министерството за образование во 9 часот ќе одржат Државен натпревар во рамките на сообраќајно воспитната акција „Детски семафор“ со учениците од основните училишта и сообраќајно техничка култура на младите со учениците од средните училишта од целата држава. Натпреварот ќе се одржи во ООУ „Војдан Чернодрински“.

 19.05.2017, 10:16  | V.E. | 40

 

© ZURNAL.mk

 Црна хроника 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

31791
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.