Журнал - Новинска агенција

Zurnal.mk

За неговиот 60-ти роденден обновен популарниот „Сеат 600“ или шпанското „Фиќо“

Триесет проекти за намалување на загадувањето
Преку Софија, Македонија во ЕУ
Премиерите од Западен Балкан на маса со Могерини
УНДП: Затоплувањето на домаќинствата, индустриските капацитети и сообраќајот најголем..

Авто

За неговиот 60-ти роденден обновен популарниот „Сеат 600“ или шпанското „Фиќо“
timthsaf.jpg

На еден „Сеат 600“ му беше вратен првобитниот сјај по повод одбележувањето на шестатата деценија од почетокот на производството на шпанското „Фиќо“.

Слично на крагуевската фабрика „Застава“ и шпанската фабрика „Сеат“ во половината на 20–от век почна со лиценцо производство на сопствена верзија на „ФИАТ 600“.

За разлика од југословенската фабрика, што веќе не постои, шпанскиот производител продолжи да егзистира под капата на групацијата „Фолксваген“, но не заборави и на своите корени и поранешната соработка со „ФИАТ“.

По повод јубилејот „Сеат 600“ бил пронајден еден делумно зачуван примерок од овој автомобил со расклоплив покрив што во последните 25 години собирал прашина и притоа внимателно го реставрирале.

На тимот од 30 лица му биле потребни 1.500 работни часови за целосно обновување на возилото, а најголем предизвик претставувало пронаоѓањето на над 1.000 оригинални делови од автомобилот што требало да се заменат или недостасувале на возилото.

Резултатот може да се види на фотографијата, а посетителите на авто-салонот во Барселона имаат можност во живо да го видат овој „Сеат 600“ што во овој каталонски град ќе биде изложен до 21 мај.

Инаку, „Сеат“ од 1957 до 1973 година кога заврши производството на моделот „600“, имаше произведено околу 800.000 шпански „Фиќа“.

 17.05.2017, 12:55  | V.E. | 87

 

© ZURNAL.mk

 Авто 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

15187
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.