Журнал - Новинска агенција

Zurnal.mk

Opel со конкретен одговор за Qashqai

Министерот Нухиу на тркалезна маса за новиот Закон за кривична постапка
Иванов - Иваниќ: Има солидна основа за интензивна економска соработка меѓу Македонија..
СДСМ: Многу брзо Македонија ќе живее во демократија

Авто

Opel со конкретен одговор за Qashqai
06ce6149-0ea2-454f-a68f-e2f7f2484ba5_790.png

Opel го претстави својот следен нов модел - теренецот под име Grandland X, кој на европскиот пазар ќе треба да се спротивстави на Nissan Qashqai и на новиот Seat Ateca. Деби на автомобилот пред публика ќе се одржи на автосалонот во Франкфурт, наесен.


Должината на машината е 4.477, широчината 1.844, висината 1.636 mm, а растојанието помеѓу двете оски – 2.675 mm. На овој начин кросоверот е за речиси 200 mm подолг од претставениот од неодамна Crosland X и 100 mm од Nissan Qashqai. Во исто време волуменот на багажникот е 514 литри (1.622 литри со соборување на задните седишта), што е за 84 литри повеќе од Qashqai.


Кросоверот со пет седишта е изграден на платформата на групата PSA користена за Peugeot 3008 и Citroen C5 Aircross. Засега од Opel не откриваат детали за моторите, но се очекува тоа да бидат бензински со зафатнина од 1,2-1,6 литри, со моќ од 130 до 165 КС, како дизелски со до 180 КС.
 

Наместо погон на четири тркала Opel Grandland X доби систем Grip Control, познат од Peugeot 3008 и 5008. Тој го оптимизира системот за стабилизација, како и системот против занесување и ги прилагодува спрема условите на патот. Во опремата на кросоверот на Германците влегуваат адаптивен круз-контрол, систем за поглед од 360 степени, грејачи на воланот и на седиштата, како и безжично полнење за смартфони.

 21.04.2017, 11:28  | V.E. | 39

 

© ZURNAL.mk

 Авто 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

14715
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.