МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
СДСМ: Братот на Миленко добивал субвенции од претходната власт за чување кози
Уставниот суд ги отфрли иницијативите за Одлуката за уставни измени
Власта ќе бара поддршка од 80 пратеници за законот за СЈО, најави Дескоска
ОЈО за две недели ќе објави информации од истрагата за бегството на Груевски
Македонија
Алтхаузер: Неопходно е итно формирање на влада

Алтхаузер: Неопходно е итно формирање на влада

четврток, 20 април 2017, 20:38ч.   |   V.E.

Задачите се на маса и од нивното остварување зависи почетокот на реформите, смета германската амбасадорка во Македонија Кристине Алтхаузер која запрашана дали постои излез од кризата, испрати идентичен апел како и нејзиниот колега евроамбасадорот Самуел Жбогар и американскиот Стејт Департмент: 
 
„Да, постои излез и постои пат, ќе треба да се формира влада, претходно да се избере спикер во собранието. Инаку, задачите се веќе на маса и со реформи ќе треба да се започне што е можно побрзо“, изјави Алтхаузер.
 
Пораката на германската амбасадорка следи по реакцијата на американскиот Стејт департмент, од каде ги поттикнуваат македонските лидери да сторат се што можат за формирање на Влада без натамошно одлагање, за државата да може да продолжи со реформите потребни да стане полноправна членка на евро-атланското семејство. 
 
„Политичарите кои се обидуваат да го блокираат формирањето на Владата ги обезвреднуваат владеењето на правото, демократските процеси и стабилноста на Македонија и регионот пошироко. Ние ќе работиме со нашите европски партнери на охрабрување на овие политичари да престанат со нивните опструкции, вклучувајќи и земање на одговорност за нивните постапки“ - реагираат од Стејт департментот.
 
За сега нема дополнително објаснување како Стејт департментот би ги „охрабрил“ политичарите да престанат со опструкциите и дали станува збор за индиректна најава за санкции во координација со Европската унија. Евроамбасадорот во Македонија Самуел Жбогар порача дека дојден моментот кога власта и опозицијата треба да почнат да се слушаат едни со други со една цел, и дека тоа е важно за иднината на земјата и за европската интеграција.
 

Партиите, пак, и денеска се со поделени ставови: Од ВМРО - ДПМНЕ во врска со пораките од САД и ЕУ сметаат дека „загарантирано право на дискусија согласно Деловникот за работа на Собранието и согласно законите не е, ниту може да се смета за каква било опструкција“. Од СДСМ пак се на став дека овие пораки од меѓународната заедница повеќе се насочени кон ВМРО-ДПМНЕ и претседателот Ѓорѓе Иванов кои партијата ги опишува како кочничари на процесите во државата.

© ЖУРНАЛ    ~117,39

НАЈЧИТАНИ ОД МАКЕДОНИЈА
Орбан пред пратениците го бранеше политичкиот азил на Груевски
Иванов може да го помилува Груевски, по негова молба или на Боркица, Мијалков или мајка му Нада
Интервју со Филип Ачкоски, топ едукатор: Расте интересот за здрав живот
Мукоски: Им благодарам што им текна да ме посетат, ама протестното писмо за уставните измени е на погрешна адреса
Груевски добил азил во Унгарија?
Вистината за 27 април ја видов на осми кат во штабот на ВМРО-ДПМНЕ, откри Нинџа
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.