Журнал - Новинска агенција

Zurnal.mk

Сирискиата армија поврати контролата врз кварт во Дамаск

Хан ја повика опозицијата да биде конструктивна
Дали Русија ќе ја спречува Македонија да влезе во НАТО?
Задолжителна зимска опрема за возилата, во спротивно 45 евра казна

Свет

Сирискиата армија поврати контролата врз кварт во Дамаск
102832002.jpg

Сириските сили спроведоа вчера контраофанзива и ја повратија контролата врз кварт во близина на центарот на Дамаск, неколку часа откако џихадистите извршија ненадеен напад врз источниот дел на градот, јави ДПА.

Борци на блокот, предводен од Џебхат Фатах ал Шам, поранешен сириски огранок на Ал Каеда, претходно вчера нападнаа позиции на владините сили во источниот кварт Џобар и напредуваа кон соседниот плоштад Абасид, соопшти Сирискиот центар за мониторинг на човековите права.

Следеа жестоки судири и џихадистите за кусо презедоа контрола врз голем паркинг до плоштадот Абасид, еден од влезовите во центарот на градот.

Извор од силите за безбедност изјави дека џихадистичкиот напад почнал со напади со автомобили-бомби, извршени на околу 500 метри од источниот дел на Дамаск. Третиот напад го извршил терорист самоубиец со бомбашки појас, при што загинале неколку лица.

Сириските медиуми јавија дека владините сили ги одбиле нападите на терористите против воени позиции и станбени згради во Џобар.

Бунтовниците извршиле напад во Џобар, откако навлегле во регионот по мрежа од тунели. Џобар е поделен меѓу владините сили и бунтовничките фракции.

Според Сирискиот центар за мониторинг на човековите права владините сили извршиле над 30 воздушни напади врз бунтовниците. Според податоците на невладината организација најмалку 20 лица се убиени за време на жестоките битки изминатите 24 часа.

- Во воздушни и артилериски напади на режимот врз бунтовничкото засолниште Гута, источно од Дамаск, загинале 13 цивили, вклучувајќи три деца, изјави директорот на Центарот Рами Абдел Рахман.

 20.03.2017, 09:28  | V.E. | 31

 

© ZURNAL.mk

 Свет 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

1980
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.