Журнал - Новинска агенција

Zurnal.mk

Шеста генерација на Поло: Што ќе донесе овој автомобил кој успешно се продава веќе 42 години?

Шилегов: ВМРО-ДПМНЕ преку обидот за блокада на Собранието го штити Зврлевски
Локални избори, повик за подобрување на изборниот процес
Многу брзи кредити, но кој е најдобриот? Еве сајт кој го има решението!

Авто

Шеста генерација на Поло: Што ќе донесе овој автомобил кој успешно се продава веќе 42 години?
tocka-226011.png
На Саемот за автомобили во Франкфурт во септември, Фолксваген ќе ја претстави шестата генерација на Поло – „малиот“ автомобил кој што успешно се продава веќе 42 години и за многумина е крал во својата класа.

Како што дознава “Autocar”, следната генерација на Поло ќе има помал број на погонски опции, но во својата внатрешност ќе биде далеку технолошки понапреден од претходникот, а автомобилот ќе биде поголем и полесен и ќе ја користи MQB-A0 механичката платформа.

Поголемото меѓуосовинско растојание, односно дополнителните сантиметри во должина и ширина се гаранција за поголем простор во кабината и бажаниот простор во однос на петтата генерација која што се појави на пазарот во 2009-та година.


Истиот извор најавува динамичен надворешен изглед каде што најмногу ќе се истакнуваат редизајнираните предни светла, спуштена линија на покривот, а промени би требало да има и во задниот дел на автомобилот. Во понудата ќе има автомобили со три и пет врати, а под знак прашалник останува „крос“ изведбата, посебно поради најавата на новото производство на SUV моделот T-Cross Breeze со кој што ќе ја дели платформата.

Најдобра вест е тоа што во внатрешноста ќе бидат превземени некои идеи од освежениот Голф, а опционално и од некои други „поголеми“ модели од гамата на Фолксваген. Може да се очекуваат верзии со дигитална инструментална плоча, нова генерација на инфотејнмент системот чувствителен на допир, како и последната верзија на “Park Pilot” технологијата на Фолксваген.


Што се однесува до моторите, почетната верзија ќе пристигнува со 3 цилиндарски 1,0-литарски бензинец со варијанти од 65, 75, 95 и 115 коњски сили. Во врвот на понудата ќе има GTI верзија со 2,0-литарски 4 цилиндарски бензински мотор со над 200 коњски сили. Дизелската понуда ја отвора 4 цилиндарски 1,6 TDI мотор со 80, 95 и 110 коњски сили. „Послабите“ мотори ќе пристигнуваат со мануелен 5 степенски менувач, а помоќните со 6 степенски менувач.

 19.03.2017, 11:14  | V.E. | 90

 

© ZURNAL.mk

 Авто 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

11101
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.