Журнал - Новинска агенција

Zurnal.mk

Пожар од запален оџак во делчевско Треботивиште

Името на маса по Нова година
Могерини со инструкции за премиерите од Западен Балкан
Поништен конкурсот за јавни обвинители
Кривичен неделава полн со предмети од СЈО

Црна хроника

Пожар од запален оџак во делчевско Треботивиште
pozar_49.jpg

Делчево, 7 декември- Пожар од запален оџак вчера попладне се закани на училишната зграда во делчевското село Тработивиште. Околу 16 часот пожарот го забележале жители на селото кои живеат непосредно до училиштето, по што веднаш повикале помош од територијалната противпожарна единица (ТППЕ) од Делчево од каде интервенирале со две противпожарни возила.

- Има материјална штета која органите допрва ќе ја утврдуваат, штетата е минимална во однос на она што можело да настане. Пожарот, најверојатно, е настанат од димоводниот канал, таму беше главното жариште на пожарот и интервениравме во почетна фаза со пуштање на две линии, го локализиравме пожарот и целосно го изгаснавме во вечернте часови, рече Миле Тодоровски, пожарникар од ТППЕ Делчево.

Директорот на ООУ „Климент Охридски“, Горан Димитровски, истакна дека дежурни екипи ноќеска дежурале покрај зградата и оти досега вакви проблеми не се јавувале во подрачните училишта ниту во централното што отвора простор за преземање на соодветни мерки во таа насока во текот на грејната сезона. Училиштето во селото Тработивиште е градено пред 60 години и овде се сместени паралелки од 1 до 9 одделение кои опфаќаат деца од селото Тработитивиште, но и околните села.

Од ТППЕ Делчево апелираат до граѓаните редовно да ги чистат оџаците, бидејќи во овој период од годината се најчести ваквите пожари можат да направат голема штета, но и да се заканат по човечките животи.

Училиштето во селото Тработивиште е изградено пред 60 години. Во него има паралелки од 1 до 9 одделение со деца од Тработивиште и околните села

 07.12.2017, 10:38  | L.E. | 34

 

© ZURNAL.mk

 Црна хроника 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

22380
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.