МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Груби до пратениците: Не се кријте зад народот и не мислите на следните избори
Кувелис: Договорот од Преспа ќе биде ратификуван во грчкиот Парламент
Костадинов: Со иницијатива до Уставен, бранителите на Груевски сакаат да го спасат од..
Томе Аџиев на распит во СЈО за случајот „Моќник“
Македонија
Македонија на вистински пат, од ЕУ се очекува визија

Македонија на вистински пат, од ЕУ се очекува визија

среда, 06 декември 2017, 16:33ч.   |   A.Z.

Премиерот Зоран Заев денеска во Брисел се сретна со високата претставничка на Европската Унија за надворешна политика и безбедност Федерика Могерини.

Примарната цел на македонската Влада, посочил Заев, е да изгради модерна европска земја што ги дели европските вредности, со функционална демократија, владеењето на правото и врз заеднички споделени основни вредности. Во исполнување на таа клучна цел, потенцирал, од големо значење е личната посветеност и ангажираност на високите претставници на највисоките институции на ЕУ, како и институционалната поддршка од телата на Унијата.

- Република Македонија има клучни аргументи да докаже дека е најдобрата „успешна приказна" во 2017 година и може многу да придонесе за добрососедските односи, регионалната соработка, стабилноста и безбедноста на регионот на Западен Балкан и во Европа, рекол Заев на средбата со Могерини.

Додал дека се направени големи напори Македонија да се врати на вистинскиот пат, и да се создадат позитивни случувања после долготрајната политичка криза.

- Сега е време да ги искористиме овие напори. Продолжуваме со силна посветеност и несомнена политичка волја, иако на внатрешен план имаме одредени политички околности, рекол Заев.

Тој изразил очекување дека ЕУ ќе покаже визија и ќе обезбеди одлука за отпочнување на преговорите за пристапување на Македонија во Унијата во првата половина од 2018 година, но и отворање на можноста за секоја земја да напредува колку што е можно побрзо во процесот на пристапување врз основа на сопствените заслуги.

- Република Македонија ќе се стреми да се израмни и да влезе во групата земји предводници на процесот. Треба да бидеме во пакетот. Тоа ќе не стабилизира за подолг рок, истакнал Заев.

Македонскиот премиер смета дека Самитот ЕУ-Западен Балкан во Софија, во мај 2018 година, за време на бугарското претседателство со ЕУ, ќе биде јасна можност за обновување на заедничките обврски на земјите од Западен Балкан и на ЕУ.

Нагласил дека фокусот е да се гради нов дух во односите со сите соседи, а во врска со прашањето со Грција упати порака дека во во Македонија има подготвениост да се реши ова прашање и побарал помош и поддршка како да се најде одржливо решение кое ќе има поддршка во двете земји.

Могерини на средбата истакнала дека е видлив напредокот што го остварила Република Македонија за само една година, и дека тоа е добар знак и во однос на напредувањето на државата во евроинтеграциските процеси.

На средбата заеднички била констатирана неопходноста од соработка со опозицијата на важните стратешки прашања за земјата, и дека каналите за комуникација треба да бидат постојано отворени.

Нагласено било дека претстојните месеци до првата половина на 2018 година се круцијални кога е во прашање процесот за отворање на преговорите за членство на Република Македонија во ЕУ, но и дека е важно колку што е можно побргу, да се одржат средби на високо ниво меѓу Република Македонија и Република Грција.

На средбата со Могерини присуствувале и Бујар Османи, заменик претседател на Владата на Република Македонија задолжен за европски прашања и Никола Димитров, министер за надворешни работи.  

© ЖУРНАЛ    ~277,93

НАЈЧИТАНИ ОД МАКЕДОНИЈА
Весна Пешиќ: Не гледам зошто ви пречи да се викате Северна Македонија!
Јорданов: Ми извадија список дека должам 30 милиони евра
Денко Малески: Кој ни гарантира дека ке останеме Македонци во Северна Македонија?
Лицитација со вмровските пратеници
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
ВМРО-ДПМНЕ го разреши реформаторот Петар Богојески од функцијата заменик генерален секретар
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.