МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Владата има рок од 15 дена да ги достави амандманите до Собранието
Ципрас му честита на Заев за гласањето
Пратениците на СДСМ се откажаа од дискусија, се очекува гласање
Во „Монструм" било пукано со две пушки и пиштол
Колумни
Shame on you

Shame on you

среда, 06 декември 2017, 13:32ч.   |   B.M.

Гледам вести на Телма. „Никој не сака да му биде нарушен комодитетот. Сите си живеат во една обланда и на сите им е добро. Но,сведоци сме дека „успесите“ коишто нашата млада популација ги има на рангирањата се катастрофални“, вели професорот Тале Герамитчиоски, член на Одборот за акредитација и евалуација, после конститутивната седница на овој важен државен орган.

Точна е проценката дека образованието на нашите студенти е „катастрофално“, тоа го знам за правните и политичките науки, но, не е точно дека „никој не сака да му биде нарушен комодитетот“. Го знам од лично искуство и од искуство на блиски со слични погледи и поведение. Зборувам, се разбира, за оние ретките кои целиот свој живот си го нарушуваат„комодитетот“ и никогаш не им било добро во „обландата“.

Затоа, на наредната седница, членовите на одборот за акредитација треба убаво да погледнат околу масата на која што седат. Ако е точно дека „никој (од нив) не сака да му биде нарушен комодитетот“ и ако е точно дека „сите живеат во една обланда и на сите им е добро“, тогаш тие се вистинската причина за катастрофалното образование на младата генерација.

Но, да не генерализираме, ако има некој кој е познат по тоа што свесно си го руши „комодитетот“ затоа што не му е „добро“ во системот на образованието какво што е нашето, нека го каже тоа јавно. Инаку, ништо не сме направиле. Всушност, мислам дека токму сознанието дека нема ништо битно да променат, се крие зад зборовите на членот на Одборот задолжен за вреднувањето на нашите образовни институции.

Што се однесува до одлуката на владата и на министерството за образование на чело на оваа важна државна институција да го именуваат членот на МАНУ и претседателот на Центарот за стратегиски истражувања на академијата, Владо Камбовски, можам само да речам: „Засрамете се“.

Инаку, ова се зборовите од транспарентите на една мала група луѓе кои протестираамирно вртејќи се во совршен кругна тротоарот пред институцијата која нешто им беше скривила, во Сан Франциско, некаде кон крајот на осумдесеттите.

Ни кршење, ни дерење, ни тепање, а толку силна порака,помислив тогаш. „Shame on you!“

© ЖУРНАЛ    ~568,192

НАЈЧИТАНИ ОД КОЛУМНИ
Мојата обврска да апстинирам
Мажоретките на ВМРО-ДПМНЕ
Пред дестабилизација!
Омраза
Мицко ташаклијата васељенски
Зошто ќе гласам позитивно?
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.