МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Шекеринска: Најголемиот успех со членството во НАТО е што првите ратификации дојдоа о..
Села ја откажа средбата со Заев
Кирацовски: Побарав таткото на мојата сопруга да се повлече од работното место
Возачот на автобусот кој се преврте и неговото семејство го напуштиле домот во Гостив..
Култура
Концерт на Филхармонијата посветен на Драган Ѓаконовски-Шпато

Концерт на Филхармонијата посветен на Драган Ѓаконовски-Шпато

четврток, 21 декември 2017, 09:56ч.   |   A.Z.

„Филхармонија за Шпато“ е насловен вечерашниот концерт на Македонската филхармонија, посветен на Драган Ѓаконовски-Шпато по повод 30 години од неговата смрт (1931-1987). Шпато е композитор, диригент и музички аранжер кој се смета за зачетник на македонската забавна музика.

Диригент на вечерашниот концерт е Џеси Милинер од Германија, композитор, аранжер и пијанист, кој е задолжен и за оркестрациите на дел од композициите. Заедно со оркестарот на Македонската филхармонија, на сцена ќе има и бенд во состав: Мартин Ѓаконовски - контрабас, Гордан Спасовски - пијано, Левин Ѓаконовски - тапани и Франческа Рајтер - виолина, а ќе учествуваат и Џон Илија Апелгрен - вокал и Кирил Кузмановски - саксофон.

Ќе бидат изведени меѓу најубавите композиции на Шпато, како „Далечен крај“, „Те носам во себе“, „Глас од далечината“, „Без повраток“, „Дојди есен“, „Молчи една долина“, „Убава со како музика“, „Зар вистина е крај“, „За нас почнува живот“...

- Зад себе остави вистинско звучно богатство чија убавина, автентичност и влијанието кое што го изврши не е надминато. „Во име на цветот“, „Гарача“, „Далечен крај“, „Жолта липа“, „За нас почнува живот“, „Зар вистина е крај“; „Лени“, „Ми вети ти“, „Молчи една долина“, „Носталгија“, „Последен ден на разделбата“, „Љубовна тема“... се дел од вокалните композиции кои не се само печат на едно време, туку се дел и од ова наше денешно совремие, особено сликајќи го животот во Скопје, преку лириката, но и преку музичката содржина, формата, хармонските решенија, наративноста, наведува Филхармонијата.

Драган Ѓаконовски-Шпато потекнувал од музичко семејство. Најпрвин изучувал виолина, а потоа и хармоника и како член на семејно трио (заедно со татко му Васил и неговиот постар брат Хари) ги имал и првите јавни настапи. Всушност, настапот на триото „Шпато“ во програмата на Радио Скопје се смета и за почетокот на македонската забавна музичка сцена.

Подоцна почнал да ги проучува сите инструменти и да аранжира музика од, во тоа време, славните звучни имиња и особено да ја следи џез-музиката. Шпато пишувал, аранжирал и снимал, главно, за потребите на Радио Скопје, тогаш единственото и културно прибежиште на уметниците, каде останал до крајот на својот работен век.

Бил еден од најпознатите композитори и во поранешна Југославија, учествувајќи на фестивали и добивајќи голем број награди. Песната „Еден бакнеж“, на пример, доживеала посебен успех изведена на фестивалот „Опатија“ (1962) во негов аранжман. Од посебно значење за македонската музичка сцена е формирањето на познатиот вокален квартет „Импулси“ (1969), кога Шпато остварува исклучително плодна творечка активност.  

© ЖУРНАЛ    ~187,63

НАЈЧИТАНИ ОД КУЛТУРА
За прв пат македонски филм во главната програма на Берлинскиот фестивал
Музејот на раскинати врски по 11 години повторно во Скопје
„Тоска“ од Пучини во МОБ
„Роденден на уметноста“ во МКЦ
Почина актерот Славко Нинов
Хрватски детски филмски евергрини од денеска Во Кинотеката
МАРКЕТИНГ ИМПРЕСУМ КОНТАКТ

© 2009-2019 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.