МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Димитров: Никос, од срце ти посакувам добро здравје и успех во сите идни предизвици
Дескоска за Журнал: Обештетување за Сопот ќе има, извршната власт подалеку од судскат..
ВМРО-ДПМНЕ: Договорот од Преспа е мртов, нашите пратеници нема да ги поддржат уставни..
Македонија официјално ги почнува претпристапните разговори за членство во НАТО
Македонија
САД и ЕУ се вратени на сцената, сега Македонија се враќа на автопатот

САД и ЕУ се вратени на сцената, сега Македонија се враќа на автопатот

вторник, 19 декември 2017, 09:55ч.   |   A.Z.

Сите активности на високата претставничка на ЕУ Фредерика Могерини, и вопшто на институциите на Унијата за Западен Балкан се интензивираат. Дефинитивно, средбата во Брисел е чекор кон поизвесна интеграција на земјите во ЕУ. Брзината е веќе релативна работа - она што е брзо или реално за ЕУ може да не биде доволно брзо за нашите очекувања, вели за Журнал.мк, Малинка Јорданова од Институтот за европсски политики во контекст на средбата на премиерите од Западен Балкан со Могерини.

Според неа најбитно е државите на ЕУ да покажат конкретна посветеност за проширувањето кон Западниот Балкан со поставени цели и датуми.

-Вратени се и ЕУ и САД на сцената, но треба и државите од регионот да се вратат во реформска форма. Македонија е очигледно на добар пат во тоа, смта Јорданова.

Претседателот на Владата на Република Македонија Зоран Заев, заедно со премиерите на петте останати држави од Западен Балкан (Србија, Црна Гора, Албанија, Косово и Босна и Херцеговина), присуствуваше на неформалната работна вечера што ја организираше високата претставничка за надворешни работи и безбедносна политика на Европската Унија, Федерика Могерини.

-Една од заедничките констатации на лидерите од регионот и на еврокомесарката Могерини, е оценката дека 2017 година, е година на успех за регионот Западен Балкан. Најважна новост за државите од Западен Балкан во 2017 година беше најавувањето на Стратегијата за проширување на ЕУ на претседателот на ЕК Јункер. Токму Стратегијата и нејзините клучни одредници беа главна тема на дискусија, соопшти владината прес служба.
На средбите било констатирано дека сите држави од Западен Балкан треба да гледаат на оваа Стратегија како на јасен сигнал кон нив за нивната европска перспектива. Секоја од државите од Западен Балкан треба да напредува на патот кон ЕУ врз основа на напредокот кој го покажува во реформите во клучните области.

На заедничката работна вечера на лидерите на земјите од Западен Балкан со високата претставничка за надворешни работи и безбедносна политика на ЕУ, Федерика Могерини, премиерот Заев ја потврдил посветеноста на Македонија кон остварувањето на реформите во правосудството, безбедноста и јавната администрација, како и решавање на сите отворени прашања со соседите.

Премиерот Заев исто така нагласи дека Република Македонија очекува свое место во Стратегијата за проширување на ЕУ која ќе биде објавена во февруари 2018 година, од која се очекува да биде инклузивна, амбициозна, предвидлива и иновативна во својот пристап.

-Лидерите на земјите од Западен Балкан на оваа средба со Могерини ги истакнале и придобивките од паралелните проекти кои ги забрзуваат европските интеграции на земјите од регионот во рамките на иницијативата Берлински процес, и посебно Самитот во Трст во јули оваа година. Проектите договорени на овој самит, особено во делот на економското, енергетското и инфраструктурното поврзување, се од особено значење за приближување до стандардите на земјите од Западен Балкан до оние на ЕУ. Лидерите од регионот ја гледаат 2018 година како клучна за голем исчекор на сите држави од регионот во пристапувањето кон ЕУ, но и за интензивирање на регионалната соработка со максимална поддршка на инструментите на ЕУ за оваа намена, се вели во соопштението.

 

© ЖУРНАЛ    ~180,60

НАЈЧИТАНИ ОД МАКЕДОНИЈА
Весна Пешиќ: Не гледам зошто ви пречи да се викате Северна Македонија!
Јорданов: Ми извадија список дека должам 30 милиони евра
Денко Малески: Кој ни гарантира дека ке останеме Македонци во Северна Македонија?
Лицитација со вмровските пратеници
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
ВМРО-ДПМНЕ го разреши реформаторот Петар Богојески од функцијата заменик генерален секретар
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.