Журнал - Новинска агенција

Zurnal.mk

Србија и Република Српска ќе го тужат НАТО за бомбардирањето со осиромашен ураниум

Великов Петков: Бугарија ја поддржува Македонија за влез во ЕУ
Средба меѓу Ципрас и Заев во Давос
Законот за јазици е пред Иванов - Внимателно ќе решава за вето
Донесениот Закон за јазиците предвидува двојазични униформи, печати, поштенски марки,..

Регион

Србија и Република Српска ќе го тужат НАТО за бомбардирањето со осиромашен ураниум
NATO-bombardovanje-EPA-Vladimir-Vetkin.jpg

 Република Српска ќе се приклучи на тужбата против членките на НАТО за предизвикување хуманитарна и еколошка катастрофа во текот на бомбардирањето со осиромашен ураниум.

 
Ова го пишува бањалучкиот весник „Глас Српске“ кој наведува дека иста тужба подготвува и Србија.
 
Тужбата ќе биде базирана на шест правосилни пресуди на италијанските судови кои потврдиле постоење поврзаност помеѓу појавата на канцерогени состојби и присуството на италијанските војници во Бих и на Косово, места каде НАТО бомбардирал со осиромашен ураниум.
 
Од Академијата на науките и уметностите на Република Српска за весникот изјавија дека по правен пат ќе се бара надомест за нанесената штета.
 
-До сега беше негирано штетното влијание на осиромашениот ураниум, но веќе постојат докази за сосема спротивното и тоа е јака основа за покренување тужба. Имаме многу докази и податоци за причините кои доведоа до зголемена појава на канцерогени заболувања, изјавија од Академијата.
 
Од Академијата наведуваат дека на нивниот адвокатски тим досега им се јавиле над илјада граѓани кои заболеле од канцер и дека ќе се формира меѓународна комисија со адвокати од земји од Западна Европа, Русија, Кина и Италија кои ќе ја пишуваат тужбата.
 
Пред извесно време српскиот претседател Александар Вучиќ изјави дека Србија нема намера да влегува ниту да станува членка на НАТО.
 18.12.2017, 16:21  | Z.H. | 30

 

© ZURNAL.mk

 Регион 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

44678
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.