Журнал - Новинска агенција

Zurnal.mk

Името на маса по Нова година

Великов Петков: Бугарија ја поддржува Македонија за влез во ЕУ
Средба меѓу Ципрас и Заев во Давос
Законот за јазици е пред Иванов - Внимателно ќе решава за вето
Донесениот Закон за јазиците предвидува двојазични униформи, печати, поштенски марки,..

Македонија

Името на маса по Нова година
dimitrov_2.jpg

Разговорите за прашањето за името ќе продолжат во периодот по празниците, вели шефот на македонската дипломатија Никола Димитров.

- По подолга пауза од три години имавме прва средба на преговарачите со медијаторот Нимиц. Договорена е следната да биде по празниците во јануари така што не би требало да се очекува некакво посебно случување во периодот на празниците. Поставена е сцената, процесот е отпочнат, динамиката е воспоставена, меѓутоа нема ништо поново да се случи додека траат празниците, рече Димиторв на новинарско прашање на заедничката прес-конференција со неговиот унгарски колега Петер Сијарто кој се наоѓа во посета на Македонија.

Запрашан дали смета дека изјавата на бугарската потпретседателка Илијана Јотова дека е во духот на добрососедството за тоа дека 70.000 Македонци кои добиле бугарски пасоши се Бугари, Димиторв вели дека го нема видено нејзиниот коментар, а како одговор ја посочи потребата од што поскора интеграција во ЕУ.

- Вистинското решение како да се справиме со тоа што наши државјани аплицираат за пасоши на други земји, на земји членки е да ја зголемиме атрактивноста на македонскиот пасош. Вистински долгорочно решение како да се соочиме со овој предизвик е пасошот на РМ да стане пасош на земја членка на ЕУ. И затоа е многу важно да направиме се што можеме да ја искористиме шансата што се црта полека за 2018 година, рече министерот Димитров.

Унгарскиот министер за надворешни работи Сијарто на прашање за односот кон НВО на Џорџ Сорос во Унгарија, рече дека тој произлегува од фактот што имаат две дијаметрално спротивни мислења за нелегалната миграција спород кои Сорос ја поддржува миграцијата, додека Владата сака безбедност. Во таа насока нагласи донесена е регулатива која го уредува странското финансирање на НВО-секторот.

- Има повеќе од илјада невладини организации кои работат непречено. Неодамна донесовме регулатива, која се однесува на странско финансирање на невладини организации и се определува лимит на финансирањето кое што невладината организација мора да го пријави како надворешно финансирање на сопствената интернет страница. Луѓето сакаат да знаат од каде ги добиваат парите тие невладини организации особено кога станува збор за НВО и политички партии кои сакаат да влијаат врз креирањето на јавното мислење, рече министерот за надворешни работи на Унгарија Петер Сијарто. 

 18.12.2017, 12:39  | A.Z. | 27

 

© ZURNAL.mk

 Македонија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

44885
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.