МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Собраниска делегација на конференција на КОСАК во Виена
Заев уверува дека Груевски ќе биде вратен, Унгарија решава за азилот
Облачно и студено, попладне снег
Илир Мета: Бегството на Груевски е признавање на вина
Македонија
Претседателските места на општинските совети ја закочија реконструкцијата на Владата

Претседателските места на општинските совети ја закочија реконструкцијата на Владата

сабота, 16 декември 2017, 00:11ч.   |   A.Z.

За реконструкција на владата почна да се говори откако министеерот за здравство Арбен Таравари одлучи да се кандидати за градоначалник на Гостивар, функција која и ја доби. Така едното испразнето место во владиониот состав ја отвори темата за смени во Владата.

Но, тоа трае веќе од септември. Се чекаше да завршат локалните избори но поминаавеќе два месеци и од локалните избори, но пополнување на местото нема, туку има многу информации во тн. сива сфера за реконструкција на Владата. Како на пример дека здравството ќе го преземе СДСМ, а Алијансата за Албанците на Зијадин села ќе добие вицепреиерско место и министер без ресор.

Партиски извори за Журнал.мк велат дека целата работа во врска со составот на Владата нема да финишира додека не се наредат коцките на локално ниво. Причината е велат што математиката на ДУИ и СДСМ не може да се реализира до крај како што било договарано. Практично станува збор за местата на претседателите на советите на некои општини.

За кои општинси станува збор?

Во Тетово, ДУИ и ветил на ДПА дека ќе го добие претседателското место на општината. Тоа е услуга за поддршката што ја добија од ДПА во Тетово за избор на градоначалник.

Но, што се случува?

Аднан Биљали од Демократската партија на Албанците (ДПА) не е законски избран за претседател на Советот, соопшти Општина Тетово.
Општинската администрација утврдила дека изборот на претседател на Советот не е во согласност со член 47 став 2 од Законот за локална самоуправа и член 19 став 1 од Деловникот за работа на Советот на Општина Тетово.

- Поради ова, општината сѐ уште нема избрано претседател на Советот, се вели во соопштението.

Биљали беше избран од страна на 15 од 30 советници, поради што уште веднаш претставниците на Алијанса на Албанцитe и БЕСА реагираа дека ваквиот избор е нелегитимен. На втората седница на Советот гласале 8 советници од ДУИ, 3 од ДПА, 3 од СДСМ и една советничка на Демократата партија на Турците. Четворица советници на Алијанса на Албанците и пет од БЕСА гласаа против и реагираа на нелегалниот избор на Билали.

- Реагираме затоа што со недоволен број на советници е избран претседател на Советот. Бидејќи според член 19 од деловникот на Советот, за претседател може да биде избран кандидат кој добил мнозинство од вкупниот број на на членови на Советот. Гласаа 15 советници, а од 31 советник, тоа не е 50 отсто плус еден. Денес дури имавме 30 советници, но сепак не е доволен број за да се избере. Требаше да се избере со 15 плус еден, за да биде легален изборот, рече советникот Ариф Сељами.

Биљали истакна дека постапката била според законската регулатива. Тој објаснува дека советник од БЕСА нема верифицирано мандат и дека затоа се избрал претседaтел со 15.

- Постапката беше според законот за локална самоуправа и статутот на општината и правилникот за работа на советот на општина Тетово. На еден советник не му е верифициран мандатот и затоа претседателот е избран со 15 гласа. Координацијата на советничките групи беше причина дури по еден месец да дојде по изборот. Секоја партија има своја желба, па затоа се одолговлекуваше работата, но очекувам побргу да оди, фомирањето комисии, буџетот и се друго во интерес на граѓаните, изјави Билали.

Петмината советници на ВМРО-ДПМНЕ веднаш по изборот на комисијата за избор и именување, ја напуштија седницата и не учествуваа во изборот на претседател на Советот.

Каков е составот во тетовската општина на Советот. СДСМ има 3 советници, ДУИ 9, ДПА 3, Беса 6, Алијансата 4 и ВМРО-ДПМНЕ 4. Гласовите во оваа општина се групираат на овој начин или договорот е направен меѓу СДСМ, ДУИ и ДПА.

Следна општина е Гостивар. Претседателско место на Советот го доби ДУИ, но ослуката беше обжалена од градоначалникот АрбенТаравари, и истата беше прифатена и нема претседател на Совет.

Каков е составот на силите во Гостивар? ВМРО-ДПМНЕ има 4 советници, СДСМ 4, Алијансата 7, Беса 2, ДУИ 9, Весел Мемеди и неговата НДП 2 места и двете турски партии имаат три советнички места.

Струга исто така кубури или нема претседател на Советот. Таму распоредот на сили е следен Алијансата има 8 советнички места, СДСМ, 7, ДУИ 6, ВМРО-ДПМНЕ 4, Беса 2. Од една страна се групирања меѓу ДУИ и СДСМ, а од друга Алијанса, Беса и ВМРО-ДПМНЕ.

Во Чаир ДУИ ветил претседателско место на оопштината на СДСМ, но и таму не излегува матемитаката која вели ДУИ има 9 советнички места, Алијансата 2, ВМРО-ДПМНЕ 4, СДСМ 4, Беса 8. Договорот е меѓу СДСМ и ДУИ но тие имаат 13 гласа, а од другата страна се 14 гласа. Знали и тука мора пазар со другите, есапот на ДУи и СДСМ не излегува.

Оттука велат партиски извори додека не се решат овие работи на локално ниво, нема да има обкава и што се случува на државно ниво односно во Владата.

 

 


 

© ЖУРНАЛ    ~311,107

НАЈЧИТАНИ ОД МАКЕДОНИЈА
Иво Котевски за „Пинк“: Заев ќе изгубеше на предвремени избори
Иванов може да го помилува Груевски, по негова молба или на Боркица, Мијалков или мајка му Нада
Емилија Александрова: Тоа што ме исклучија од ВМРО-ДПМНЕ го доживеав многу тешко, но не им се лутам
Интервју со Филип Ачкоски, топ едукатор: Расте интересот за здрав живот
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
Николовски: Груевски останува во ВМРО-ДПМНЕ, не учествувал во обезбедувањето на 2/3 мнозинство
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.