Журнал - Новинска агенција

Zurnal.mk

Вајнштајн одговори на обвиненијата на Селма Хајек

Одобрено обвинението за Чавков и петмина пратеници
Север: Договорот за името е голем чекор за целиот Балкан
Хан: Иванов да преземе одговорност за процесот за договорот со Грција
Ѕанакопулос: Договорот е политичка победа, се решава прашање старо 30 години

Шоубиз

Вајнштајн одговори на обвиненијата на Селма Хајек
hajek.jpg

Актерката Селма Хајек е уште една од жените кои го обвинија холивудскиот продуцент Харви Вајнштајн за сексуално злоставување. Таа изјави дека доживеала „кошмарно искуство“, бидејќи го одбила за време на снимањето на филмот за сликарката Фрида Кало.

 

За Вајнштајн уште кажа дека бил нејзин монструм, но и ја опиша ситуацијата како се појавувал пред нејзините врати во било кој момент и што се барал од неа.

По повод нејзините изјави се огласи и самиот Вајшнтајн, кој ги негираше обвиненијата кои ги изнесе актерката во јавноста.

„Вајнштајн не вршеше притисок на Селма да сними секс сцена со друга актерка, исто така тој не беше присутен на тоа снимање“, стои во објавеното соопштение.

„Како и да е, сцената беше дел од приказната, бидејќи Фрида Кало била бисексуалка“, се додава во соопштението.

Понатаму пишува дека продуцентот се залагал Хајек да ја добие улогата во филмот, иако инвеститорите сакале во главната улога да се појави Џенифер Лопез, која во тој момент била поголема ѕвезда и биле заинтересирани за нејзин ангажман.

Меѓутоа, Вајнстајн успеал да ги убеди инвеститорите.

„Се она што Селма го наведе не е точно, а другите сведоци на настанот, имаат различно мислење околу она што се случувало“, стои во соопштението.

 15.12.2017, 12:58  | L.E. | 120

 

© ZURNAL.mk

Aktuelno

 Шоубиз 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

15191
© 2018 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.