МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Пратениците на СДСМ се откажаа од дискусија, се очекува гласање
Во „Монструм" било пукано со две пушки и пиштол
Крсто Мукоски пуштен да се брани од слобода
Обвинение против Миленко Неделковски за статусот на Фејсбук за жртвите од пожарот во ..
Македонија
Заеднички владини седници за решавање заеднички проблеми

Заеднички владини седници за решавање заеднички проблеми

среда, 22 ноември 2017, 12:39ч.   |   Xh.I.

Заедничките седници на македонската влада со владите на соседните држави отвораат можности за разгледување и решавање на одредени отворени прашања, комантираат експерти. Тие велат дека ваквите иницијативи се поздравени од меѓународната заедница која инсистира да бидат решени меѓусебните проблеми.

Идејата за одржување заеднички седници меѓу две влади не е непозната кога станува збор за односите меѓу соседни земји, а ефектот од нив може да биде подобрување на добрососедските односи, но и во однос на постигнување конкретни договори за важни прашања поврзани со нивното функционирање, вели поранешниот амбасадор Благој Зашов.

Коментарите доаѓаат во пресрет на утрешната заедничка седница меѓу владите на Република Македонија и Република Бугарија, која ќе се одржи во Струмица.

Исто така македонската влада за следниот период најави заедничка седница со владата на Република Албанија, како и со владата на Република Србија кон крајот на февруари следната година.

„Кога сме соседи, има многу прашања кои треба да се регулираат. Така што едно е да се направи посета на премиер во една држава, а друго е одржување заеднички седници на влада. При оваа форма на соработка, со одржување заеднички седници, покрај официјалните разговори, во исто време се дава можност и одделни министри да ги разгледаат актуелните прашања меѓу двете земји и на тој начин да дадат, или конкретни решенија, или идеи како во иднина да се решаваат заеднички проблеми“, вели Зашов.

Тој додава дека овие идеи се поздравени од меѓународната заедница, бидејќи, како што вели, Европската унија инсистира да бидат решени меѓусебните проблеми, недоразбирања и спорови кои постојат меѓу земјите членки на ЕУ, но и меѓу земјите кои се кандидати.

Според професор Беким Кадриу од Правниот факултет на Универзитетот во Тетово, овие иницијативи меѓу владите покажуваат знак на добра волја за регионална соработка. Тој вели дека седниците не се само симболични и оти од нив можат да произлезат определени спогодби за кокретни прашања.

„Можат да произлезат определени конкретни заеднички проекти, меѓутоа сепак мислам дека главната цел генерално е да се подобри соработката меѓу владите, да се покаже добра волја за евентуално решавање на спорови кои постојат, да се разговара и да се решат таквите билатерални спорови и се разбира поддршката што меѓународната заедница ја дава за интеграцијата на целиот Балкан во Европската унија, мислам дека и тоа завзема определено место“, вели Кадриу.

Тој додава дека ваквите контакти меѓу земјите можат најмалку да бидат поддржани од ЕУ и со тоа генерално ќе се покаже подобра атмосфера и заеднички интерес за интеграциските процеси на земјите во регионот, односно за заедничата цел членство во Европската унија.

Од македонската Влада информираат дека на првата заедничка седница со Владата на Бугарија ќе започнат со работа на конкретни проекти, дека двата кабинета ќе ги рагледуваат можностите за активирање на односите меѓу министерствата за надворешни работи, интеракција и меѓусебна помош при катастрофи, поддршка во обука и подготовка на војниците од вооружените сили на Македонија, соработка во областа на телекомуникациите, инвестициите и енергетиката.

Билатералните документи ќе бидат потпишани врз основа на постигнатите спогодби и врз основа на Договорот за пријателство, соработка и добрососедство, наведуваат од Владата.
 

© ЖУРНАЛ    ~120,40

НАЈЧИТАНИ ОД МАКЕДОНИЈА
Весна Пешиќ: Не гледам зошто ви пречи да се викате Северна Македонија!
Јорданов: Ми извадија список дека должам 30 милиони евра
Денко Малески: Кој ни гарантира дека ке останеме Македонци во Северна Македонија?
Лицитација со вмровските пратеници
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
ВМРО-ДПМНЕ го разреши реформаторот Петар Богојески од функцијата заменик генерален секретар
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.