МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Груби до пратениците: Не се кријте зад народот и не мислите на следните избори
Кувелис: Договорот од Преспа ќе биде ратификуван во грчкиот Парламент
Костадинов: Со иницијатива до Уставен, бранителите на Груевски сакаат да го спасат од..
Томе Аџиев на распит во СЈО за случајот „Моќник“
Македонија
И Врховен ќе формира комисија за нова проверка на АКМИС-от

И Врховен ќе формира комисија за нова проверка на АКМИС-от

среда, 22 ноември 2017, 12:30ч.   |   Xh.I.

Во исчекување на извештајот дали имало злоупотреби на АКМИС системот во судовите, односно дали рачно се местеле предмети, кој треба да го презентира Комисијата формирана од Министерството за правда, претседателот на Врховниот суд Јово Вангеловски, вели оти останува на ставот дека злоупотреби се правеле во Кривичниот суд. Тој најавува и нова контрола на системот за распределба на предметите, но од страна на комисија формирана од Врховен суд.

- Сè уште не е објавен извештајот, но и понатаму останувам на она што го кажав дека злоупотребите на АКМИС се правени во Основен суд Скопје 1 од страна на поранешните претседатели. Контролата на Комисијата од Министерството за правда колку што ми е познато не е во целост извршена, а бидејќи не е Врховниот суд ќе формира комисија и ќе се врати назад, од воведувањето на Системот за електронска распределба на предмети до денес, да провери како е применуван и во Врховен и во Апелација и во „единица“ и во сите други судови – вели Вангеловски за Плусинфо.

Комисијата при Министерството за правда во изминатиот период изврши контрола во Основниот суд Скопје 1, Апелација и во Врховен, каде влезе минатата недела. Извештајот кој треба да покаже дали, каде и во кој период се местеле предмети кај одредени судии, требаше да биде објавен до крајот на неделата, но од Министерството велат дека е можно тоа да се пролонгира за неколку дена, односно за почетокот на наредната недела.

Во јавноста веќе излегоа неофицијални информации дека проверката покажала неправилности во Кривичен и во Врховен суд, а во Апелација наводно не биле откриени злоупотреби.

Контролата на АКМИС во трите суда е резултат на препораките што ги даде експертската група предводена од Рајнхард Прибе која во извештајот наведе дека постојат индиции за негова злоупотреба. Обајвувањето на извештајот е една од обврските кои меѓународната заедница ги даде на Владата и треба да бидат завршени до Нова година.

© ЖУРНАЛ    ~148,50

НАЈЧИТАНИ ОД МАКЕДОНИЈА
Весна Пешиќ: Не гледам зошто ви пречи да се викате Северна Македонија!
Јорданов: Ми извадија список дека должам 30 милиони евра
Денко Малески: Кој ни гарантира дека ке останеме Македонци во Северна Македонија?
Лицитација со вмровските пратеници
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
ВМРО-ДПМНЕ го разреши реформаторот Петар Богојески од функцијата заменик генерален секретар
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.