МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Владата има рок од 15 дена да ги достави амандманите до Собранието
Ципрас му честита на Заев за гласањето
Пратениците на СДСМ се откажаа од дискусија, се очекува гласање
Во „Монструм" било пукано со две пушки и пиштол
Македонија
Дали Русија ќе ја спречува Македонија да влезе во НАТО?

Дали Русија ќе ја спречува Македонија да влезе во НАТО?

четврток, 16 ноември 2017, 12:15ч.   |   Xh.I.

Постои ли опасност Русија да се обидe да ја спречи Мкаедонија да влезе во НАТО. Ова прашање деновиве повторно е актуелно по изјавата на експертот за Балканот, Даниел Сервер, дека е потребно да се биде подготвен за најлошото.

Додека американските експерти, како Даниел Сервер, наведуваат дека Русија ќе проба да ја спречи Македонија да влезе во НАТО преку притисок врз Грција, финансирање на анти-НАТО политичари, изнајмени демонстранти, интензивна пропаганда, оружени провокации и дури и атентат и државен удар, домашните експерти очекуваат Москва да го потврди незадоволството од проширувањето, но не и да преземе какви било активности кои што би и наштетиле на Македонија. Сепак, дел од нив велат дека поради нагласената прозападна ориентација на Македонија очекувани се обиди за зголемување на руското влијание во општеството.

„Македонија не само што е дел од оваа инвазивна империјална стратегија на путиновата администрација, туку е особено значајна поради својата значајна геостратегиска положба. Е сега од политички аспект, македонското општество кое е доминантно определено да чекори кон членство во ЕУ и НАТО, очекувано ќе се соочува со обиди за инфилтрирање, кое наједноставно и најефикасно се остварува преку духовното, а тоа е православието“, вели професор Љупчо Ристовски од институтот Интегра.

Благоја Марковски од Балканскиот форум за безбедност вели дека не очекува Русија дa преземе активности кои би имале негативни последици врз Македонија.

„И историски гледано и од аспект на меѓународните односи, сега не гледам причини, ниту сериозен обид на Русија по секоја цена да ја спречи Македонија да стане член на НАТО. Нивните ставови искажани преку соодветни служби на Русија се дека е подобро Македонија да остане неутрална, но апсолутно сум сигурен нема да презема мерки и активности кои би и наштетиле на Македонија“, изјави Марковски.

Можни дипломатски и економски санкции

Според зборовите на поранешниот амбасадор на Македонија во НАТО Нано Ружин, важен е фактот што Македонија 17 години е пред вратата на НАТО. Според него, можните реакции на Русија би биле изразени со дипломатски и економски мерки. Ружин изјави дека очекува Москва евентуално да забрани увоз на македонски стоки, како што се случи со Црна Гора, но оценува дека не може да се прават паралели меѓу двете земји.

„Македонија нема некоја позначајна позиција во смисла на претходни големи инвестиции од Москва како што беше во Црна Гора, но сепак Македонија е држава која има значајна геостретешка позиција во однос на интересите на Русија пред се гео - енергетските интереси на Русија. Во таа смисла можната реакција би била повеќе на дипломатски план, одредени ситни манифестации, недоразбирања“, вели Ружин.

Во својата анализа Ружин вели дека живееме во свет во кој понекогаш има одредени разидувања по извесни точки, но дека сепак глобално сите имаат еден заеднички непријател, а тоа се пред сè терористичките напади.

Поранешниот министер за внатрешни работи Павле Трајанов оценува дека во јавноста се предимензионира заинтересираноста на Русија околу Македонија.

„Нивни стратешки интерес е да имаат добри односи со Србија и Грција итн. Но дали тие релации ќе ги користат за блокада? Mислам дека таа блокада ќе биде неуспешна. Зашто клучот е во Грција. Ако Грција прифати компромис околу нашето уставно име и тогаш нема да има отпор, ниту идеи Русија да организира тука демонстрации и атентати и мислам дека таквите оценки се претерани и паушални. И засега немаме такви информации дека на тој начин би се спротивставила Русија“, вели Трајанов.

Инаку, влегувањето на Црна Гора во НАТО произведе тензии на релација Москва - Подгорица.

Во интервјуто за црногорското радио Антена М кое беше емитувано и на тамошните телевизии, премиерот Зоран Заев споменува реакција на Москва во контекст на влегување во НАТО.

Трајанов вели дека случувањата во Црна Гора по повод нејзиното влегување во НАТО не може да бидат предупредување за Македонија.

„Тука може да се јави национализам околу прашањето за нашето уставно име, но самиот чин на влез во НАТО ќе биде подржан од сите и тоа не прави различни од Црна Гора, каде што имаше внатрешни турбуленции, зашто половина од населението беше против земјата да влезе во НАТО и тоа ја направи таму состојбата нестабилна со обид за атентат“, вели Трајанов.

© ЖУРНАЛ    ~420,148

НАЈЧИТАНИ ОД МАКЕДОНИЈА
Весна Пешиќ: Не гледам зошто ви пречи да се викате Северна Македонија!
Јорданов: Ми извадија список дека должам 30 милиони евра
Денко Малески: Кој ни гарантира дека ке останеме Македонци во Северна Македонија?
Лицитација со вмровските пратеници
Адеми до пратениците на ВМРО-ДПМНЕ: Се откажав од идеалот за Голема Албанија, понекогаш треба да направите отстапка
ВМРО-ДПМНЕ го разреши реформаторот Петар Богојески од функцијата заменик генерален секретар
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.