МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Измените на Уставот в среда пред Уставниот суд
Заев: Верувам дека ќе обезбедиме двотретинско мнозинство за уставните измени
Иванов ќе се обрати во Собранието на 28 декември
Дедомразовци традиционално ќе трчаат во Скопје
Македонија
Пахор: Се надевам дека Македонија ќе биде следна членка на НАТО и ќе почне преговори со ЕУ

Пахор: Се надевам дека Македонија ќе биде следна членка на НАТО и ќе почне преговори со ЕУ

вторник, 14 ноември 2017, 15:35ч.   |   Xh.I.

Словенија внимателно ја следи и ја одобрува добрососедската и регионалната политика на Република Македонија како еден од условите за членството во ЕУ и НАТО и останува нејзин силен поддржувач во овие процеси, рече претседателот на Република Словенија Борут Пахор на денешната средба со премиерот Зоран Заев.

Пахор, како што соопшти владината прес-служба, искрено се надева дека многу брзо Македонија ќе биде следната членка на НАТО и дека со ЕУ наскоро ќе биде постигнат договор за почеток на пристапните преговори.

Заев на средбата истакнал дека владината коалиција во Македонија по локалните избори, чии резултати ја потврдија поддршката за актуелните политики, сега има обврска колку што е можно побргу и посолидно да ги продолжи почнатите реформски процеси.

„Настојуваме пред нашиот Парламент да настапиме со издржани и важни реформски закони во многу области за кои очекуваме и ќе стимулираме широка поддршка од политичките сили во парламентот. Наша определба е и да ја зајакнеме улогата на парламентот после политичката криза и да ја вратиме довербата во институциите“, изјавил Заев.

Тој исто така информирал дека во однос на евроатлантските аспирации се работи и се подготвуваат услови за политички консензус.

Македонскиот премиер во Љубљана имал средба и со претседателот на словенечкиот Државен збор Милан Брглез кого го информирал за најважните актуелни процеси во Република Македонија и нагласил дека охрабрувањата што ги доби Македонија се знак дека е избран вистинскиот пат и начин за решавање на суштинските прашања од интерес на граѓаните на Република Македонија.

Брглез кажал дека неговата земја е секогаш подготвена на соработка и на проширување на односите и ја понудил целосната помош и поддршка во евроатлантските аспирации на Македонија.
 

© ЖУРНАЛ    ~88,30

НАЈЧИТАНИ ОД МАКЕДОНИЈА
Орбан пред пратениците го бранеше политичкиот азил на Груевски
Иванов може да го помилува Груевски, по негова молба или на Боркица, Мијалков или мајка му Нада
Интервју со Филип Ачкоски, топ едукатор: Расте интересот за здрав живот
Мукоски: Им благодарам што им текна да ме посетат, ама протестното писмо за уставните измени е на погрешна адреса
Груевски добил азил во Унгарија?
Вистината за 27 април ја видов на осми кат во штабот на ВМРО-ДПМНЕ, откри Нинџа
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.