МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Измените на Уставот в среда пред Уставниот суд
Заев: Верувам дека ќе обезбедиме двотретинско мнозинство за уставните измени
Иванов ќе се обрати во Собранието на 28 декември
Дедомразовци традиционално ќе трчаат во Скопје
Македонија
Русковска: Чавков се уште не е повикан на распит

Русковска: Чавков се уште не е повикан на распит

вторник, 14 ноември 2017, 12:09ч.   |   Xh.I.

Митко Чавков се уште не добил покана од Обвинителството за организиран криминал да даде исказ за „крвавиот четврток“ што се случи на 27 април во Собранието. На прашањето на „Фокус“ испратено до обвинителката Вилма Русковска, таа одговори дека Чавков, кој за време на насилството во Собранието беше директор на Бирото за јавна безбедност и шеф на оперативниот штаб, се уште не дал исказ.

За разлика од Чавков, тогашниот министер за внатрешни работи Агим Нухиу, се појавил во обвинителството.

-За 27 април сите оштетени се сослушани, а и сведоци, вклучувајќи го и Агим Нухиу, Чавков не, беше одговорот што го добивме од обвинителката Русковска.

На прашањето на „Фокус“ дали Чавков воопшто е повикан на распит, обвинителката ни одговори кусо – „Не во оваа фаза“.

Токму Нухиу на одговорност го прозва Чавков, бидејќи со часови не можел да стапи во контакт со него, иако тој претходно го известил министерот дека во однос на безбедноста во Собранието, Оперативниот штаб ги има работите под контрола.

Досега подебелиот крај за овој случај го извлекоа вработени во МВР, односно 11 од нив добија откази.

Најголемиот дел од отпуштените се вработени во Шестата управа на МВР за обезбедување на важни личности и објекти, и против нив била покрената постапка откако се видело на снимките дека не преземаат ништо додека пратениците Крсто Мукоски и Сашо Василевски ги отвораат собраниските врати за да влезат демонстрантите. Меѓу оние кои добиле откази е и поранешниот шеф на внатрешното обезбедување на Собранието и поранешен шеф на обезбедувањето на тогашниот претседател на Собранието, Трајко Вељаноски. Припадниците на обезбедувањето тврделе дека немале никаква законска можност да интервенираат против пратеници

Министерот Оливер Спасовски неодамна на брифинг со новинарите кажа дека суспендирани се 42 полицајци, а дисциплински постапки се водат против 70.

© ЖУРНАЛ    ~140,48

НАЈЧИТАНИ ОД МАКЕДОНИЈА
Орбан пред пратениците го бранеше политичкиот азил на Груевски
Иванов може да го помилува Груевски, по негова молба или на Боркица, Мијалков или мајка му Нада
Интервју со Филип Ачкоски, топ едукатор: Расте интересот за здрав живот
Мукоски: Им благодарам што им текна да ме посетат, ама протестното писмо за уставните измени е на погрешна адреса
Груевски добил азил во Унгарија?
Вистината за 27 април ја видов на осми кат во штабот на ВМРО-ДПМНЕ, откри Нинџа
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.