Журнал - Новинска агенција

Zurnal.mk

YouTube дополнително ќе ги ограничува проблематичните содржини

Хан ја повика опозицијата да биде конструктивна
Дали Русија ќе ја спречува Македонија да влезе во НАТО?
Задолжителна зимска опрема за возилата, во спротивно 45 евра казна

Технологија

YouTube дополнително ќе ги ограничува проблематичните содржини
TB_1.jpg

По обвинувањата дека малолетните лица се изложени на голема количина непримерени и вознемирувачки содржини, видеосервисот YouTube соопшти дека во иднина ќе вложи поголем напор да ги спречи таквите содржини да стигнат до децата.

На тој начин, корисниците во иднина нема да можат да гледаат непримерни содржини ако не се приклучат на сајтот и ако немаат повеќе од 17 години, наведува компанијата во соопштението.

Најголем проблем претставуваат видеоснимките со ликовите од популарните цртани филмови, кои се полни со насилство и друга експлицитна содржина. Нивните автори намерно ги злоупотребуваат познатите ликови, со цел да ги намамат децата да гледаат вознемирувачки сцени.

Видеоснимките од тој вид се автоматски блокирани на апликацијата YouTube Kids, наменета за прикажување видеосодржини на корисниците помлади од 13 години, како и во рекламите кои се прикажуваат на тој сајт.

Пристапот до спорните снимки, кои се наоѓаат претежно на главниот YouTube сајт, во моментов го имаат сите корисници, иако се случувало проблематичните содржини да се појават и на сајтот YouTube Kids.

 13.11.2017, 13:04  | L.E. | 21

 

© ZURNAL.mk

 Технологија 

НОВИНСКА АГЕНЦИЈА "ЖУРНАЛ"

Димитрие Чуповски 4/2-11
Скопје, Република Македонија
Телефон: 02 3217 815
Е-пошта: info @ zurnal.mk

11079
© 2017 Журнал - Новинска агенција. Сите права се заштитени.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ. Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.