МАКЕДОНИЈА РЕГИОН СВЕТ ЕКОНИМИЈА ХРОНИКА СПОРТ КУЛТУРА КОЛУМНИ TRENDING KITCHEN ШОУБИЗ ЗДРАВЈЕ ЗАНИМИЛИВОСТИ ТЕХНОЛОГИЈА АВТО
Македонија - од една во друга партизирана администрација
ВМРО-ДПМНЕ ги повикува граѓаните на протест во недела: Македонија се гуши, ова црнило..
МВР: Казни од 200 до 500 евра за употреба на пиротехника
Семејството на убиениот Саздо бара 10 милиони денари отштета
Култура
Стогодишнина од раѓањето на уметникот Димче Коцо

Стогодишнина од раѓањето на уметникот Димче Коцо

понеделник, 13 декември 2010, 00:00ч.   |   B.B.

Скопје, 13 декември - Во Ликовниот салон на МАНУ, утре, ќе се отвори јубилејната изложбата - 100 години од раѓањето на македонскиот историчар на уметност  и ликовен уметник  Димче Коцо.

Оваа година МАНУ во соработка со Националната галерија на Македонија, и целата наша културна јавност, ја одбележува стогодишнината од раѓањето на Димче Коцо (1910-1993).  

„Сто години е убав повод за повторно да ги разгледаме уметниковиот живот и кариера и  пак да го преоцениме неговото место во историјата на уметноста во нашата земја“, велат организаторите.
 
Роден е на 10 октомври 1910 година во Охрид. Извесно време  го посетувал Уметничкото резбарско школо во Охрид. Потоа истовремено почнал да го посетува  уметничкото занаетчиско училиште  во Белград и да студира Историја на уметност на Филозофскиот факултет во Белград, на кој дипломирал во 1936 година.

Во 1945 година се враќа во Скопје и го иницира формирањето на Народниот музеј во Скопје и  работи како негов директор а истовремено почнува да предава историја на уметност на Филозофскиот факултет во Скопје.

Активно дејствува и како ликовен уметник на полето на сликарството и скулптурата а особено  на цртежот  таписеријата.
Член е на ДЛУМ од 1945 година.

Како историчар на уметноста и ликовен критичар, објавил повеќе статии од областа на  средновековната уметност, современата уметност како и археологијата.
На изложбата ке бидат презентирани шеесеттина дела на Димче Коцо (таписерии, масла, акварели, цртежи и скулптури)

Голем број дела се наоѓаат во Националната галерија на Македонија, во Музејот на современата уметност во Скопје, во МАНУ, како  и во  потесното семејство на Димче Коцо.

Автор на јубилејната изложба:  Димче Коцо, 100 години од раѓање е Славица Алексоска, виш кустос  во Националната галерија на Македонија.

Изложбата се реализира во соработка со Македонската академија на науките и уметностите и е подржана од Министерството за култура на Република Македонија.

© ЖУРНАЛ    ~174,60

НАЈЧИТАНИ ОД КУЛТУРА
Промоција на „Хрониките на Арслан Новинарски“ во МКЦ
Јубилеј на музејот „Д-р Никола Незлобински“ во Струга
МАРКЕТИНГ ИМПРЕСУМ КОНТАКТ

© 2009-2018 НОВИНСКА АГЕНЦИЈА „ЖУРНАЛ“.
Димитрие Чуповски 4/2-11, Скопје, Република Македонија. Телефон: 02/3217-815
Сите права се задржани.
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.