Zurnal.mk | Журнал - Новинска агенција

Москва, 24 септември – Актуелниот руски претседател, Дмитриј Медведев, предложи сегашниот премиер Владимир Путин, да се кандидира за претседател и најави дека е подготвен да работи во владата, што е дочекано со овации од делегатите на конгресот на владејачката партија Единствена Русија, јавува „РИА Новости“.

„Во однос на предлогот од раководството на партијата, да се подобри функционирањето на партијата за да се има успешен настап на изборите, ја изразувам мојата подготвеност практично да работам во владата, и ја поддржувам кандидатурата на претседателот на партијата Владимир Путин за претседател на државата", изјави Медведев на конгресот на Единствена Русија

Според него, аплаузот му дава за право да мисли какво искуство и авторитет претставува Владимир Путин.

„Ме прашуваа цело време: кога ќе решите, со што ќе истапите пред луѓето, а исто така понекогаш и мене и Владимир Владимирович не прашуваа и дали сме се скарале. Сакам целосно да го потврди она што беше речено: тоа што му е предложено на конгресот е длабоко обмислена одлука, па дури и повеќе - ние активно разговараме за оваа варијанта уште во периодот кога се создаде нашиот пријателски сојуз ", рече Медведев.

Според него, изминатите години ја докажале исправноста на ваквата одбрана стратегија.

Говорот на Медведев, кој инаку денеска го прославува 46. роденден, го следеа 11 илјади делегати на Единствена Русија на конгресот кој се одржува во спортската арена „Лужники“ во Москва.

Путин рече дека е почестен со предлогот на Медведев, тој да се натпреварува на претседателските избори во 2012 година.

„Убеден сум дека Единствена Русија, ќе победи и потпирајќи се на е широката поддршка меѓу народот, господинот Претседател ќе креира нов, ефикасен, млад и енергичен раковден тим, на чело на руската влада кој ќе ја продолжи модернизацијата во сите сфери на нашите животи“, изјави Путин на конгресот на Единствена Русија.

Тој за носител на листата на Единствена Русија на изборите за думата на 4-ти демекври, го предложипретседателот Дмитриј Анатолјевич Медведев.
Владимир Путин од 2002 до 2008 година беше претседател на Русија, а тогаш го избра за свој наследник Дмитриј Медведев, бидејќи уставот го спречуваше да се кандидира за трет последователен претседателски мандат.